.gif)
 (1).png){kind=logo}
.png)
चिनियाँ राष्ट्रपतिले मोदीलाई भने, ‘ड्रागन र हात्ती एकै साथ आउनु महत्वपूर्ण’
.jpg)
काठमाडौं । चीनका राष्ट्रपति सी जिनपिङले भारत र चीन दुवै देश राम्रो छिमेकी रहिरहनु जरुरी रहेको बताएका छन् । आज (आइतबार) भारतीय प्रधानमन्त्री नरेन्द्र मोदीसँगको द्विपक्षीय बैठकमा भने, ‘ड्रागन र हात्ती एक साथ हुनु निकै जरुरी छ ।’
चिनियाँ राष्ट्रपतिले भने, ‘विश्व परिवर्तनतर्फ अघि बढिरहेको छ । चीन र भारत विश्वका सबैभन्दा प्राचीन सभ्यता हुन् । हामी दुवै विश्वका सबैभन्दा धेरै जनसंख्या भएका देश हौं र ग्लोबल साउथको हिस्सा पनि हौं ।’
उनले दुवै देश मित्र बनिराख्नु राम्रो हुने भन्दै राम्रो छिमेकी हुनु आवश्यक रहेको बताएका छन् । यसअघि भारतीय प्रधानमन्त्री नरेन्द्र मोदीले बैठकमा भारत र चीनबीचको सम्बन्धमा सकारात्मक दिशा प्राप्त भएको बताए ।
चीनको तियानजिनमा आजदेखि १ सेप्टेम्बरसम्म सांघाई कोअपरेशन अर्गनाइजेशन (एससीओ) को बैठक जारी छ । यो बैठकमा नेपालका प्रधानमन्त्री केपी शर्मा ओलीसहित रुसी राष्ट्रपति भ्लादिमिर पुटिन पनि सहभागी हुनेछन् ।
