.gif)
 (1).png){kind=logo}
.png)
एआईजी शर्माकाे विदाइ
.jpg)
काठमाडौं । नेपाल प्रहरीका एआईजी कृष्णहरि शर्मा पोखरेल उमेर हदका कारण अवकाश भएका छन् । उनी आइतबार ५६ वर्ष पुग्छन् । शनिबार बिदा भएका कारण उनलाई आजै प्रहरी प्रधान कार्यालयमा आयोजित एक विशेष समारोहबीच बिदा गरिएको केन्द्रीय प्रहरी समाचार कक्षले जनाएको छ ।
पोखरेल २०५२ कात्तिक २७ गते इन्स्पेक्टर भर्ना भएका थिए । उनीसँगै इन्स्पेक्टर दर्जाको नियुक्तिपत्र प्राप्त गरेका चन्द्रकुबेर खापुङ शुक्रबार आइजीपी नियुक्त हुने निर्णय भएको छ ।
पोखरेल पनि अवकास हुने भएकै कारण भावी आईजीपीका लागि खापुङ आफ्नो ब्याचबाट एक्ला उम्मेदवार थिए । अरु एआईजीहरू उनीभन्दा जुनियर हुन् । सरकारले वरिष्ठतम एआईजीलाई नै आईजीपी नियुक्त गरेको हो ।
शर्माको बिदाइमा भावी आईजीपी खापुङसहित, आईजीपी दीपक थापा र एआईजी तथा डीआईजीहरू उपस्थित थिए । बिदाइ समारोहलाई सम्बोधन गर्दै प्रहरी महानिरीक्षक थापाले सेवा निवृत्त हुन लगेका शर्मालाई मायाको चिनो प्रदान गरे ।
