.gif)
 (1).png){kind=logo}
.png)
प्रहरीले गोली चलाएर समात्यो लागुऔषध कारोबारी
.jpg)
बाँके । बाँकेको नेपालगञ्ज उपमहानगरपालिका–४ मा लागुऔषध खैरो हेरोइन कारोबारमा संलग्न चार जनालाई प्रहरीले गोली हानेर नियन्त्रण लिएको छ ।
नेपागञ्ज उपमहानगरपालिका–५ का २६ वर्षीय भाइजन अन्सारी सोही ठाउँ बस्ने २२ वर्षीय अमन साह, भारतको बहराइज रुपैडिया थानाका २० वर्षीय अजयकुमार र २० वर्षीय कात्र्तिककुमारलाई लागुऔषध नियन्त्रण ब्युरो शाखा कार्यालय नेपालगञ्जको टोलीले नियन्त्रणमा लिएको छ ।
नेपालगञ्ज उपमहानगरपालिका–४ मा प्रहरीले शंका लागेर खानतलासी गर्ने क्रममा प्रहरीमाथि नै इँटा प्रहार गरेपछि प्रहरीले गोली हानेर उनीहरूलाई नियन्त्रणमा लिएको हो । प्रहरीले चलाएको गोली लागेर कात्र्तिककुमार घाइते भएका छन् ।
बाँके प्रहरी प्रमुख एसपी रामप्रसाद घर्तीका अनुसार इँटा लागेर एकजना प्रहरी घाइते भएका छन् । उनको दायाँ खुट्टाम गोली लागेको छ । उनलाई उपचारका लागि अस्पताल पठाइएको प्रहरीले जनाएको छ । उनीहरूबाट प्रहरीले २६५ ग्राम खैरो हेरोइन बरामद गरेको छ ।
