.gif)
 (1).png){kind=logo}
.png)
श्रीमतीको हत्या गरी प्रहरीमा आत्मसपर्मण
.jpg)
नवलपुर । नवलपुरमा एक व्यक्तिले चक्कुु प्रहार गरी श्रीमतीको हत्या गरेका छन् । नवलपुरको विनयी त्रिवेणी गाउँपालिका–३ उदयटारी निवासी ५० वर्षीय महेन्द्र पौडेलले घरायसी विवादमा आफ्नै श्रीमती ४७ वर्षीया गोमा पौडेलको हत्या गरेका हुन् ।
आज (शुक्रबार) विहान साढे १० बजेतिर उनले तरकारी काट्ने चक्कुले श्रीमतीको घाँटी रेटी हत्या गरेको जिल्ला प्रहरी कार्यालय नवलपुरका प्रहरी नायव उपरीक्षक मधु नेपालले जानकारी दिए । हत्यामा संलग्न श्रीमान महेन्द्र पौडेललाई चक्कुसहित नियन्त्रणमा लिएर थप अनुसन्धान गरिरहेको प्रहरीले जनाएको छ ।
घटनाको थप अनुसन्धानका लागि इलाका प्रहरी कार्यालय दुम्किबासका प्रहरी नायव निरीक्षक ज्ञानप्रसाद काफ्लेको नेतृत्वमा प्रहरी टोली घटनास्थल पुगेको प्रहरी नायव उपरीक्षक मधु नेपालले बताए। घटनास्थल अस्थायी प्रहरी चौकी सर्दीबाट २ किमी पुर्वमा पर्दछ । घटनाबारे थप अनुसन्धान भइरहेका कारण हत्याको यथार्थ कारण खुल्न बाँकी रहेको नवलपुर प्रहरीले जनाएको छ । मृतक गोमा ग्रिन फाउण्डेशन नेपाल नवलपुरकी जिल्ला उपाध्यक्ष हुन् ।
