अब यी ९७ हिमाल निःशुल्क चढ्न पाइने (सूचीसहित)

नयाँ पेज

२०८२ श्रावण ३० शुक्रबार ११:५९ बजे

काठमाडौं । सरकारले आउँदो दुई वर्षका लागि ९७ वटा हिमालहरूको आरोहण निःशुल्क गरेको छ । केही दुर्गम क्षेत्रहरूमा पर्यटन प्रवद्र्धन गर्ने उद्देश्यले ९७ वटा हिमालको आरोहण निःशुल्क गरेको हो । १८ साउनको मन्त्रिपरिषद बैठकले आगामी दुई वर्षसम्म सुदूरपश्चिम र कर्णाली प्रदेशका सम्पूर्ण हिमाल आरोहण निःशुल्क बनाएको हो ।

यी दुई प्रदेशमा ९७ वटा हिमाल छन् । आरोहण निःशुल्क गरेकोमध्ये तीन वटा सात हजार मिटर माथिका रहेका छन् । यी हिमालहरुको सलामी दस्तुर विदेशीका लागि १७५ डलरदेखि ५ सय डलरसम्म पर्छ । निःशुल्क खुला गरिएका हिमालहरुको सूचीमा अपि, नाम्पा चुली, सैपाल इस्ट, जेठी बहुरानी, सैपाल, कान्ति कान्जिरोवा नर्थ, पुथा वेस्ट लगायत छन् ।