.gif)
 (1).png){kind=logo}
.png)
बानियाँले मागे सदनमा विश्वासको मत, लामा पक्षले पनि दिने
.jpg)
काठमाडौं । वागमती प्रदेशका मुख्यमन्त्री इन्द्रबहादुर बनियाँले सदनमा विश्वासको मत मागेका छन् । पार्टीभित्र असन्तुष्टि बढ्दा विश्वासको मत लिने कार्यसूचीमा एक घण्टा ढिलो प्रदेशसभाको बैठक सुरु भएको थियो ।
बहादुरसिंह लामा पक्षका १३ सांसदसहित संसदीय दलको बैठकबाट विश्वासको मत दिने निर्णय गरेपछि मुख्यमन्त्री बानियाँ प्रदेशसभा पुगेका हुन् । बानियाँले विशेष परिस्थितिमा बनेको आफू नेतृत्वको सरकारको औचित्य बैठकमा भाषणमार्फत नभई भोलिका कामबाट हुने भन्दै उनले सदनको पूर्ण विश्वास मागेका छन् ।
लामाले आफ्ना समूहका २ सांसदलाई मन्त्री बनाउनु पर्ने शर्त राखेका थिए । विश्वासको मत लिइसकेपछि उक्त शर्त कार्यान्वयन गर्ने प्रतिवद्धता बानियाँले गरेपछि लामा समूह विश्वासको मत दिन तयार भएको हो ।
बागमतीमा कांग्रेसका ३७ प्रदेशसभा सदस्य छन् । त्यस्तै एमाले २७, माओवादी केन्द्र २१, राप्रपा १३, नेकपा एकीकृत समाजावादी ७, नेपाल मजदुर किसान पार्टी ३, हाम्रो नेपाली पार्टी २ प्रदेशसभा सदस्य छन् । विश्वासको मत लिन ५६ प्रदेशसभा सदस्यको समर्थन चाहिन्छ ।
