.gif)
 (1).png){kind=logo}
.png)
नेकपा एसको चेतावनी : पार्टीको आधिकारिक धारणाविरुद्ध कसैले बोले कारवाही
.jpg)
काठमाडौं । नेकपा (एकीकृत समाजवादी) ले पार्टीको आधिकारिक धारणासँग बाझिने अभिव्यक्ति दिने नेता–कार्यकर्तालाई कारबाहीको चेतावनी दिएको छ ।
पार्टी अध्यक्ष माधव नेपाल र सम्मानित नेता झलनाथ खनालबीच सवाल–जवाफ चलेर कार्यकर्ता विभाजित हुन थालेपछि पार्टीको केन्द्रीय अनुशासन आयोगले एक विज्ञप्ति जारी गर्दै पार्टीको आधिकारिक धारणासँग बाझिने कुनै पनि कुरा सार्वजनिक रुपले नबोल्न, नलेख्न ध्यानाकर्षण गराएको हो ।
आयोगले पार्टीको उच्चतहका नेताले नै अनुशासन उलंघन गर्ने प्रवृति देखा परेको बताए । ‘हाम्रो पार्टी नेकपा (एकीकृत समाजवादी) जनवादी केन्द्रीयताको लेनिनबादी संगठनात्मक सिद्धान्त र त्यसको आधारमा तयार गरिएको पार्टी विधान अनुसार चल्ने अनुशासित कम्युनिष्ट पार्टी हो । तर, यो कुरालाई कतिपय जिम्मेवार कमरेडहरुले नै उलंघन गर्ने प्रवृत्ति विगत केही समय यता एकपछि अर्कोगरी देखापरेकोतर्फ पार्टी केन्द्रीय अनुशासन आयोगको गम्भीर ध्यानाकर्षण भएको छ ।’
अनुशासन आयोग शिबबहादुर देउजाले जारी गरेको विज्ञप्तिमा भनिएको छ, ‘पार्टीमा आफ्ना निजी विचार र सुझावहरु राख्ने विधि र स्थानहरु छन् भन्ने कुराको हेक्का राख्दै पार्टीको आधिकारिक धारणासँग बाझिने कुनै पनि कुरा सार्वजनिक रुपले नबोल्न, नलेख्न सम्बन्धित सबै कमरेडहरुको ध्यानाकर्षण गरिन्छ ।’
आयोगले सार्वजनिक सञ्चार माध्यम वा भेला, कार्यक्रमहरुमा पार्टीबाट निर्णय नभएका आफ्ना निजी विचारहरु कुनै पनि बाहनामा राखेर अराजक शैलीको अवलम्बन गरी कार्यकर्ता र जनता पंक्तिमा भ्रम र निराशा पैदा गराउने काम नगर्न नगराउन माथिदेखि तलसम्मका सबै नेताहरुलाई आयोग निर्देशन दिएको हो ।
सार्वजनिक सञ्चार माध्यम वा भेला, कार्यक्रमहरूमा पार्टीबाट निर्णय नभएका आफ्ना निजी विचारहरू कुनै पनि बहानामा राखेर अराजक शैलीको अवलम्बन गरी कार्यकर्ता र जनता पंक्तिमा भ्रम र निराशा पैदा गराउने काम नगर्न नगराउन पार्टीको निर्देशन पनि दिएको छ ।
विज्ञप्तिमा भनिएको छ, ‘यस्तो प्रवृत्ति पुनः दोहोर्याउने कमरेडहरुमाथि पार्टीको विधान अनुसार अनुशासनको कारबाही प्रक्रिया अघि बढाइने कुरातर्फ पनि सचेत गराइन्छ ।’
