.gif)
 (1).png){kind=logo}
.png)
संसद बस्नुअघि सभामुखले राखे कार्य व्यवस्था परामर्श समितिको बैठक
१५:३० बजे
काठमाडौं । प्रतिनिधिसभाको बैठकअघि सभामुख देवराज घिमिरेले कार्य व्यवस्था परामर्श समितिको बैठक राखेका छन् । अहिले बैठक चलिरहेको छ । प्रतिनिधिसभा बैठकअघि सभामुखले कार्यसूचीबारे छलफल गर्न बैठक राखेका हुन् । आजको बैठकमा प्रधानमन्त्री केपी शर्मा ओलीले स्पेन भ्रमणबारे जानकारी दिने कार्यसूची छ ।
सभामुख घिमिरेले संघीय निजामती सेवा विधेयकको प्रतिवेदन त्रुटि छानबिन विशेष समिति गठन भएको औपचारिक जानकारी दिनेलगायतको कार्यसूची छ । यसैबीच रास्वपा र राप्रपाले भिजिट भिसा प्रकरणमा मुछिएका गृहमन्त्रीको राजीनामा र छानबिन समितिको माग गर्दै सदन अवरोध गर्दै आएका छन् । बैठकमा त्यसबारेमा पनि छलफल हुने जनाइएको छ ।
