संसदबाट राप्रपासँगै बाहिरियो रास्वपा

---

नयाँ पेज

२०८२ असार ६ शुक्रबार १८:१७ बजे

काठमाडौं । प्रतिनिधि सभाको बैठकबाट राप्रपासँगै रास्वपा पनि बाहिरिएको छ। आज (शुक्रबार) प्रतिनिधि सभाको बैठक सुरु भए लगत्तै रास्वपा र राप्रपा सांसदहरु आ–आफ्नो ठाउँबाट उभिएर विरोध जनाएका थिए। सभामुख देवराज घिमिरेले उनीहरुलाई बस्न आग्रह गरे पनि उनीहरुले मानेनन्। त्यसपछि सभामुख देवराज घिमिरेले मन्त्रालयगत बजेटमाथिको छलफल जारी राखे ।

त्यसपछि राप्रपा र रास्वपा सांसदहरु बैठक कक्षबाट बाहिरिएका छन्। सभामुखले प्रधानमन्त्रीसँगको प्रश्नोत्तर कार्यक्रम भने कार्यसूचीबाट हटाइएको जानकारी गराएका छन्। रास्वपा र राप्रपाका सांसदहरूले आज पनि प्रतिनिधिसभाको बैठकमा नाराबाजी गरेका छन्। भिजिट भिसा प्रकरणमा गृहमन्त्री रमेश लेखकको राजीनामा माग गर्दै उनीहरूले संसद् बैठकमा नाराबाजी गरेका हुन्।