.gif)
 (1).png){kind=logo}
.png)
नेदरल्यान्ड्सविरुद्ध नेपालको सानदार जित
टी–२० शृंखलामा नेपालको दोस्रो जित
काठमाडौं : ओपनर कुशल भुर्तेलको अर्धशतकप्रेरित नेपालले स्कटल्यान्डमा जारी त्रिदेशीय ट्वान्टी–२० शृंखलामा नेदरल्यान्ड्सविरुद्ध ६ विकेटको जित निकालेको छ । बिहीबार ग्लासगोमा सम्पन्न खेलमा नेदरल्यान्ड्सले प्रस्तुत गरेको १७५ रनको लक्ष्य नेपालले १९.४ ओभरमा चार विकेट गुमाएर पूरा गर्यो ।
नेपालको जितमा ओपनर कुशल भुर्तेलले ६१ रन बनाए । उनले ५१ बलमा ६ चौका प्रहार गरे । यस्तै, आरिफ सेखले रिटायर्ट हर्ट हुनुअघि २३ बलमा तीन चौका र दुई छक्कासहित ३९ रन थपे । भीम सार्कीले २७ रन बनाउँदा दीपेन्द्रसिंह ऐरीले १६ रन जोडे । लोकेश बम १२ रनमा अविजित रहे ।
टस जितेर पहिले बलिङ गरेको नेपालले नेदरल्यान्ड्सलाई १७४ रनमा रोकेको थियो। बलिङतर्फ करण केसीले दुई तथा ललित राजवंशी, सन्दीप लामिछाने, रुपेश सिंह र दीपेन्द्रसिंह ऐरीले १–१ विकेट लिएका थिए। ब्याटिङतर्फ नेपालका लागि कुशल भुर्तेलले ६५, आरिफ शेखले ३९, भीम सार्कीले २७ र दीपेन्द्रसिंह ऐरीले अविजित १६ रन बनाए।
.jpeg)
बिहीबारको जितसँगै नेपाल फाइनलमा पुग्ने सम्भावना बलियो भएको छ । नेट रनरेटका आधारमा नेपाल अंक–तालिकामा पहिलो स्थानमा उक्लिएको छ । अंक–तालिकामा नेपाल र नेदरल्यान्ड्सको समान चार अंक छ । नेदरल्यान्ड्सले चारै खेल खेलिसकेको छ । तीन खेल मात्र खेलेको स्कटल्यान्डको दुई अंक छ । शुक्रबारको खेलमा नेपाललाई उसले पराजित गरे पनि ठुलो अन्तरको हार नभएमा नेटरनरेटका आधारमा नेपाल फाइनलमा पुग्ने सम्भावना छ।
