समाजवाद प्राप्त गर्न अझै वर्ग संघर्ष आवश्यक : पूर्व उपराष्ट्रपति पुन

---

नयाँ पेज

२०८२ असार २ सोमबार ०२:४४ बजे

दोलखा । पूर्व उपराष्ट्रपति नन्दकिशोर पुनले मुलुकमा वैज्ञानिक समाजवाद ल्याउन अझै पनि वर्ग संघर्ष आवश्यक रहेको बताएका छन्। यहाँ आज आयोजित २३ औं प्रताप स्मृति दिवस कार्यक्रमलाई सम्बोधन गर्दै उनले समाजवाद प्राप्तिका लागि नेपालको संविधानले परिकल्पना गरेअनुसार जनतालाई गोलबन्द गर्नुपर्नेमा उनले जोड दिए।

‘संविधानले परिकल्पना गरेको समाजवाद प्राप्त गर्न तपाईँ हामी सबै गोलबन्द भएर लाग्न जरुरी छ’, उनले भने। उनले द्वन्द्वकालमा सहादत प्राप्त गरेका सहिदहरुको स्मरण गर्दै उनीहरुको सपना पूरा गर्न अझै पनि संघर्षको आवश्यकता औंल्याए। उनले जलविद्युत् उत्पादनको दृष्टिले दोलखा धनी जिल्ला भएको उल्लेख गरे।