सभामुखले मुख्य सचेतक र प्रमुख सचेतकहरूलाई छलफलमा बोलाए

---

नयाँ पेज

२०८२ असार १ आइतबार १८:५३ बजे

काठमाडौं । सभामुख देवराज घिमिरेले प्रमुख दलका मुख्य सचेतक तथा प्रमुख सचेतकलाई छलफलका लागि सिंहदरबार बोलाएका छन्। सभामुखका प्रेस सल्लाहकार शेखर अधिकारीका अनुसार आज बिहान ९ बजे संसदको क्यालेन्डरलगायतका विषयमा छलफल गर्न बैठक बोलाएका हुन्। 

यस अगाडि संसद सचिवालयले सार्वजनिक गरेको कार्यसूचीअनुसार २० गतेबाट बजेटमाथि छलफल प्रारम्भ हुने र २३ गते उपप्रधान तथा अर्थमन्त्री विष्णु पौडेलले बजेटमाथि उठेका जवाफमा स्पष्टीकरण दिने कार्यतालिका थियो।

जेठ १३ गतेदेखि संसद अवरोध भएका कारण बजेटमाथिको छलफल समेतको कार्यतालिका प्रभावित भएको छ। विपक्षी दलले संसद अवरोध गरेपछि कार्यतालिका प्रभावित भएकाले नयाँ कार्यतालिका बनाउन लागिएको संसद् सचिवालयले जनाएको छ।