बाटोमाथिबाट खसेको ढुङ्गाले लागेर एकको मृत्यु, एक जना घाइते

---

नयाँ पेज

२०८२ जेठ १४ बुधबार १७:२७ बजे

दार्चुला । नौगाड गाउँपालिका–६ धुलिगडाबाट बझाङतर्फ पैदलयात्रा गरिरहेका ७० वर्षीय कालु जोशीको ढुङ्गाले लागेर मृत्यु भएको छ। उनको आज बिहान मृत्यु भएको हो। जिल्ला प्रहरी कार्यालय दार्चुलाका प्रहरी निरीक्षक छत्र रावतका अनुसार जोशीको घटनास्थलमै मृत्यु भएको हो ।

बाटोमा हिँडिरहेका उनीमाथि रतपडे भन्ने ठाउँमा माथिबाट खसेको ढुङ्गा लागेको हो । ढुङ्गाले लागेर नौगाड गाउँपालिका–६ धुलिगडाका ४५ वर्षीय प्रताप धामी घाइते भएका छन्। उनलाई उद्धार गरेर गोकुलेश्वर अस्पताल पठाइएको छ ।