.gif)
 (1).png){kind=logo}
.png)
न्याय परिषद नियमावली संशोधनविरुद्ध सर्वोच्चमा रिट
०१:०३ बजे
काठमाडौं । न्याय परिषद नियमावली संशोधनविरुद्ध सर्वोच्च अदालतमा रिट परेको छ । २०८० साल असोज १ गते न्याय परिषद् नियमावली २०७४ संशोधन गरिएको थियो । सर्वोच्च अदालतको मुख्य रजिस्ट्रारबाट उच्च अदालतको न्यायाधीश नियुक्त हुँदा मुख्य न्यायाधीशपछिको रोलक्रममा रहने संशोधित व्यवस्थाको प्रावधानलाई लिएर सर्वोच्चमा रिट दर्ता भएको हो ।
यज्ञमणि न्यौपानेसहित १० जना अधिवक्ताले न्यायपरिषद् नियमावली संशोधनविरुद्ध रिट दायर गरेका हुन् । रिटमा न्यायपरिषद् नियमावली संशोधन संविधानसँग बाझिएकाले खारेज गर्न माग गरिएको छ । रिटको अन्तिम किनारा नहुञ्जेल मुख्य रजिस्ट्रारलाई न्यायाधीश नियुक्त नगर्न समेत अन्तरिम आदेश माग गरिएको छ । रिटको पेसी बुधबारका लागि तोकिएको छ ।
