.gif)
 (1).png){kind=logo}
.png)
राष्ट्रिय सभा बैठकमै ढले कांग्रेस सांसद, उपचार चल्दै
१७:५५ बजे
काठमाडौं । राष्ट्रियसभा बैठक चलिरहेकै बेला कांग्रेसका एक सांसद ढलेका छन् । वैठक चलिरहेका बेला सांसद उक्त रक्तचापका कारण ढलेका हुन् । संघीय संसद् सचिवालय स्रोतका अनुसार बैठकमा पुगेका नेपाली कांग्रेसका सांसद नारायणदत्त भट्ट बैठकमा ढलेका हुन् ।
उनी उक्त रक्तचाप र सुगरका बिरामी हुन् । उनले आजको बैठकमा बोल्नका लागि नाम समेत टिपाएका थिए। उनी अस्वस्थ भएपछि राष्ट्रिय सभा अध्यक्ष नारायणप्रसाद दाहालले कांग्रेस सांसद विष्णुकुमारी सापकोटालाई बोल्ने समय दिएका छन् ।
‘माननीय नारायणदत्त भट्ट अस्वस्थ भएका कारणले सम्बन्धित दलबाट माननीय विष्णुकुमारी सापकोटाले बोल्ने कुरा भएकाले उहाँ माननीयलाई समय दिन्छु,’ दाहालले भने । अहिले उनको संसद् भवनभित्रै उपचार भइरहेको छ । ‘राष्ट्रियसभाको स्वास्थ्य कक्षमा माननीय ज्यूको उपचार भइरहेको छ,’ स्रोतले भन्यो ।
