आशिका तामाङलाई धरौटीमा छाड्न आदेश

---

नयाँ पेज

१८:३१ बजे

काठमाडौँ । आशिका तामाङलाई धरौटीमा छाड्न भक्तपुर जिल्ला अदालतले आदेश दिएको छ । तामाङलाई भक्तपुर जिल्ला अदालतले २० हजार धरौटीमा रिहा गर्न आदेश दिएको हो छ । आपराधिक उपद्रव गर्न नहुने कसुरमा न्यायाधीश सन्तोष प्रसाद पराजुलीले उनलाई धरौटीमा छाड्ने आदेश गरेका हुन् । 

साँगास्थित झोलुङ्गे पुलमा प्रवेश गर्नेहरूसँग सूर्यविनायक नगरपालिकाले २० रुपैयाँ कर संकलन गर्दै आएको थियो। आफूलाई अभियन्ता दाबी गर्ने तामाङले कर लिने निर्णयको विरोध गर्दै कर्मचारीहरूबाट रसिद खोसेर जलाएकी थिइन्। सूर्यविनायक नगरपालिकाको जाहेरीको आधारमा प्रहरी वृत्त जगातेले उनीमाथि अनुसन्धान गरेर प्रहरी प्रतिवेदन बुझाएको थियो । प्रहरीका अनुसार तामाङले धरौटी बुझाउने काम गरिरहेको र केहिबेरमा रिहा हुँदैछिन् ।