.gif)
 (1).png){kind=logo}
.png)
रास्वपाले पनि माग्यो लेखा समिति सभापति पोखरेलको राजीनामा
२०८१ माघ ८ मंगलबार १६:३७ बजे
काठमाडौं । राष्ट्रिय स्वतन्त्र पार्टी (रास्वपा) ले पनि प्रतिनिधिसभा अन्तर्गतको सार्वजनिक लेखा समिति सभापति ऋषिकेश पोखरेलको राजीनामा मागेको छ । रास्वपा सांसद हरि ढकालले सभापति पोखरेलको राजीनामा माग गरेका हुन् । मंगलबार लेखा समितिको बैठकमा बोल्दै उनले सभापति पोखरेलको राजीनामा मागेका हुन् ।
‘सार्वजनिक लेखा समितिको सभापति प्रतिपक्षको हुनुपर्छ,’ उनले भनेका छन् । विगतमा समेत सत्तारूढ दलका सांसदले लेखा समिति सभापति नछाडेको विषय उदाहरण नदिन पनि उनले आग्रह गरेका छन् ।
‘हिजो विगतमा के बिग्रेको थियो भनेर त्यही गर्नुपर्छ भन्ने होइन । लेखा समिति सभापति प्रतिपक्षीको हुने विश्वव्यापी मान्यता छ,’ सांसद ढकालले भने । यसअघि नेकपा माओवादी केन्द्रले पनि पटक–पटक सभापति पोखरेलको राजीनामा माग गर्दै आएको छ ।
