खाग तस्करलाई नियन्त्रणमा लिन सेनाले चलायो पाँच राउण्ड गोली

---

नयाँ पेज

२०८१ पौष ११ बिहीबार ०५:३८ बजे

चितवन  । नेपाली सेनाले गैंडाको खाग तस्करीको आशंकामा मकवानपुरमा पाँच राउण्ड गोली चलाएर एक जनालाई नियन्त्रणमा लिएको छ । बिहीबार मध्याह्न हेटौंडा उपमहानगरपालिका–८ को गर्दौईमा चितवन राष्ट्रिय निकुञ्ज र नेपाली सेनाको टोलीले पाँच राउण्ड हवाई फायर गरेका हुन् ।

जिल्ला प्रहरी कार्यालय मकवानपुरका प्रहरी निरीक्षक ठाकुर सापकोटाका अनुसार सेनाले एक जनालाई नियन्त्रणमा लिएको छ । सेनाले नियन्त्रणमा लिएका व्यक्तिको परिचय खुलाइएको छैन ।

‘बिहीबार मध्याह्न पाँच राउण्ड हवाई फायर भएको हो । सेनाले एक जनालाई नियन्त्रणमा लिएको छ,’ प्रहरी निरीक्षक सापकोटाले भने ।  नेपाली सेनाका प्रवक्ता समेत रहेका सहायक रथि गौरव केसीले घटनाबारे विवरण लिने काम भइरहेको जानकारी दिए ।