.gif)
 (1).png){kind=logo}
.png)
भारत–चीनबीच लिपुलेक प्रयोगको सहमति भएको हो भने यो हेप्ने कुरा : गोकुल बाँस्कोटा
काठमाडौं । सत्तारुढ नेकपा एमालेका पोलिट्ब्युरो सदस्य गोकुल बाँस्कोटाले भारत र चीनले नेपाललाई नसोधी लिपुलेक प्रयोग गर्ने सहमति गरेकोप्रति आपत्ति जनाएका छन् ।
भारत र चीनबीच नेपाली भूमि लिपुलेकलाई तीर्थयात्रु आवतजावतको केन्द्र बनाउने सहमति भएको खबर सार्वजनिक भएको छ । भारतको विदेश मन्त्रालयले जनाएअनुसार कोरोना महामारीका कारण सन् २०२० देखि रोकिएको कैलाश–मानसरोवर तीर्थयात्रु आवागमनलाई पुनः निरन्तरता दिने सहमति दुई देशबीच भएको हो ।
उक्त कुरा साँचो हो भने नेपाललाई हेप्ने र मिच्ने कुरा भएको टिप्पणी पूर्वमन्त्री समेत रहेका एमाले पोलिट्ब्युरो सदस्य बाँस्कोटाले बताएका हुन् । ‘शक्ति र स्वार्थको सामु सम्बन्धको वर्लिनवाल सजिलै ढल्दोरहेछ । लिपुलेक भारत र चीनले नेपाललाई वास्तै नगरी प्रयोग गर्ने सहमति गरेको खबर साँचो हो भने यो नेपाललाई हेप्ने र मिच्ने कुरा भयो’, बाँस्कोटाले लेखेका छन्, ‘हात्तीहरु जुध्दा पनि पिरती लाउँदा पनि हामी नै पेलिनु पर्ने ? सम्प्रभुता साना–ठूला सबै देशको बराबर ।’
