पत्रकार महासंघ संखुवासभा शाखाको अध्यक्षमा शाक्य

---

नयाँ पेज

२०८१ मङ्सिर २९ शनिबार १६:२९ बजे

संखुवासभा । नेपाल पत्रकार महासङ्घ संघुवासभा शाखाको अध्यक्ष पदमा कृष्णराज शाक्य निर्वाचित भएका छन् । नयाँ कार्यसमितिका लागि शुक्रबार सम्पन्न निर्वाचनमा  कार्यसमितिको उपाध्यक्षमा मेघराज तामाङ, सहसचिव खुल्ला दुर्गामणि पौडेल,समावेशी सहसचिव सुजन बज्राचार्य र कोषाध्यक्षमा अनिष विष्ट निर्विरोध निर्वाचित हुनु भएको निर्वाचन अधिकृत पदम अधिकारीले जानकारी दिए । 

यसैगरी सदस्यमा सुरेन शाक्य,खेवाहाङ मेवाहाङ, दुर्गा बहादुर कटुवाल र जनक चापागाईँ निर्वाचित भएका छन् । प्रदेश परिषद् सदस्यमा गंगा विष्ट,समिक्षा मगर,माधव सुवेदी र ध्यानबहादुर राई निर्विरोध निर्वाचित भएका छन् ।  यस्तै, केन्द्रीय परिषद् सदस्यमा मोहनकुमार राई निर्विरोध निर्वाचित भएका छन् ।