.gif)
 (1).png){kind=logo}
.png)
पशुपति जंगलमा मृत भेटिएकी युवतीको ‘सुसाइड नोट’ : सबैतिर असफल भएँ
काठमाडौं । काठमाडौंको पशुपतिनाथ मन्दिर पछाडि जंगलको झाँडीमा मृत्त भेटिएकी युवतीको पहिचान खुलेको छ । काठमाडौं– ८ तिलगंगाबाट पशुपति जाने बाटो नजिकै जंगलको झाडीमा मृत्त भेटिएकी युवती मनिसा मिजार रहेको खुलेको छ ।
जिल्ला प्रहरी परिसर काठमाडौको प्रवक्ता नवराज अधिकारीकाअनुसार शंकरापुर नगरपालीका– ५ घर भई हाल शान्तिनगर बस्दै आएकी मनिसा जंगलमा मृत भेटिएकी हुन् । उनी बानेश्वरस्थित पेन्टागन कलेजमा कक्षा १२ मा पढ्दै गरेको खुलेको छ ।
प्रहरीका अनुसार शव भेटिएको ६-७ मिटर नजिकै ओस्ताज नामक विषादिको खाली बट्टा फेला परेको छ । उनी हराएको भन्दै उनका आफन्तले प्रहरी वृत बानेश्वरमा निवेदन दिएका थिए । प्रहरीले खोजी गर्ने क्रममा जंगलमा उनको शव भेटिएको थियो ।
उनको शव पोष्टमार्टमका लागि शिक्षण अस्पताल महाराजगञ्जमा पठाइएको छ । घटनास्थलमा ‘सुसाइड नोट’ समेत भेटिएको प्रहरीले जानकारी दिएको छ । सुसाइड नोटमा उनले जीवनदेखि हार खाएको गुनासो लेखेकी छिन् । सुसाइड नोटमा लेखिएको छ, ‘बाँच्न मन छैन, सबैतिर म असफल भएँ । कसैले जीवित देखे बचाउनतिर नलाग्नुस्, मलाई मर्न दिनुस् ।’
