.gif)
 (1).png){kind=logo}
.png)
दुई जिल्लाका सीडीओलाई गृहमन्त्री लेखकले सोधे स्पष्टीकरण
काठमाडौं । गृहमन्त्री रमेश लेखकले दुई जिल्लामा प्रमुख जिल्ला अधिकारी (सीडीओ) लाई स्पष्टीकरण सोधेका छन् । गृहमन्त्री लेखकले महोत्तरी र पर्साका सीडीओलाई काठमाडौं बोलाएर स्पष्टीकरण सोधेका हुन्।
मन्त्री लेखकले महोत्तरीका प्रमुख जिल्ला अधिकारी लालबाबु कवारी र पर्साका प्रमुख जिल्ला अधिकारी गणेश अर्याललाई मंगलबार काठमाडौं बोलाएर स्पष्टीकरण सोधेका हुन् । कवारीलाई महोत्तरीकै सीडीओ कार्यालयको प्रशासन शाखाका नायब सुब्बा अशोककुमार यादव घुससहित पक्राउ परेको विषयमा र अर्याललाई उनको विवादित अभिव्यक्तिको विषयमा स्पष्टीकरण सोधिएको थियो ।
अर्यालमाथि केही दिन अगाडि अस्पताल तोडफोड सम्बन्धी विषयमा विवादित अभिव्यक्ति दिएको आरोप छ । गृह मन्त्रालयको सचिवालय स्रोतले भन्यो, ‘दुवै जिल्लाका सीडीओहरूलाई आइन्दा प्रश्न उठ्ने किसिमको गतिविधि नगर्न चेतावनी दिँदै जिल्ला पठाइएको छ ।’
