.gif)
 (1).png){kind=logo}
.png)
१६ दिनमा छुटेका पूर्वमन्त्री अधिकारीलाई श्रीमतीको जिम्मा लगाइयो
काठमाडौं । मानव तस्करीको आरोपमा पक्राउ परेका कोशी प्रदेशका पूर्वमन्त्री लिलाबल्लभ अधिकारी १६ दिनको हिरासतपछि रिहा भएका छन् । विवादास्पद जापान भ्रमणका कारण पक्राउ परेका अधिकारी सोमबार साँझ छुटेका हुन्। अधिकारीलाई कात्तिक २५ गते विराटनगरस्थित डेराबाट प्रहरीले पक्राउ गरेर काठमाडौं ल्याएको थियो ।
सरकारी वकिल कार्यालय काठमाडौंले उनीविरुद्ध मुद्दा नचलाउने निर्णय गरेपछि उनी रिहा भएका हुन् । जिल्ला प्रहरी परिसर काठमाडौंले अधिकारीलाई पत्नी पृथ्वी बस्नेतको जिम्मा लगाएको हो । अधिकारी मन्त्री पदमा रहेकै बेला गत कात्तिक १३ गते प्रदेश र संघीय सरकारको अनुमति बिना प्रक्रिया नपुर्याई इन्टरनेसनल कन्फरेन्स अन ओपन एक्सेस टु कल्चर २०२४ को कार्यक्रममा सहभागी हुन जापान भ्रमणमा गएका थिए ।
अधिकारी हङकङ पुगेपछि मिसिएका जनक राई, दावा शेर्पा र कञ्चन देवकोटालाई अधिकारीको जानकारीका आधारमा जापानको अध्यागमनले डिपोर्ट गरेको थियो । उनीमाथि जापान जाने क्रममा मन्त्रालयको नक्कली कागजात र परिचयपत्र बनाएर तीन जना युवकलाई लगेको आरोप लागेको थियो ।
