प्रधानमन्त्री ओलीको प्रश्न : बक्यौता उठाउन नसक्ने, लाइन काट्दै हिँड्ने ?

---

नयाँ पेज

२०८१ मङ्सिर ७ शुक्रबार २१:४८ बजे

काठमाडौं । प्रधानमन्त्री केपी शर्मा ओलीले बिजुलीको बक्यौता उठाउन नसक्ने तर उद्योगीको लाइन काट्दै हिँड्ने भन्दै विद्युत प्राधिकरणका कार्यकारी निर्देशक कुलमान घिसिङ लक्षित गर्दै आक्रोश व्यक्त गरेका छन् । 

नेकपा एमालेले आज (शुक्रबार) काठमाडौंको दरवारमार्गमा आयोजना गरेको ‘जागरण सभा’ लाई सम्बोधन गर्दै एमाले अध्यक्ष समेत रहेका प्रधानमन्त्री ओलीले भने, ‘बक्यौता उठाउन नसक्ने, अनि लाइन काट्दै हिँड्ने । अर्थतन्त्र ध्वस्त बनाउन खोज्ने, रोजगारी खोस्ने काम भइरहेको छ ।’ उनले अहिले ऋण लिएर थुपार्ने काममा यो सरकार नलाग्ने पनि बताएका छन् । उत्पादनमा जोड दिने र बिस्तारै आत्मनिर्भर बनाउनेतर्फ अघि बढ्ने उनको भनाइ थियो ।