.gif)
 (1).png){kind=logo}
.png)
चीन भ्रमण केबल घुम्न नभई देश र जनताको हितमा केन्द्रित हुन्छ : प्रधानमन्त्री ओली
‘०८४ को चुनावसम्म सरकार रहन्छ, माघ–फागुनमै ढल्छ भन्ने भ्रम नराखे हुन्छ’
काठमाडौं । प्रधानमन्त्री केपी शर्मा ओलीले आफ्नो आशन्न चीन भ्रमण अत्यन्त सफल हुने बताएका छन् । नेकपा (एमाले) का उपत्यकाका तीन जिल्ला कमिटीले आज दरबारमार्गमा आयोजना गरेको जागरणसभालाई सम्बोधन गर्दै प्रधानमन्त्री ओलीले यही मंसिर १७ गतेदेखि हुने छिमेकी चीनको भ्रमण केबल घुम्नका लागि नभई देश र जनताको हितमा केन्द्रित हुने स्पष्ट गरेका हुन् । उनले अहिले कतैबाट पनि सकेसम्म ऋण नलिने र आफ्नो उत्पादन वृद्धि गर्ने नीति लिइने पनि बताए ।
‘०८४ को चुनावसम्म सरकार रहन्छ, माघ–फागुनमै ढल्छ भन्ने भ्रम नराखे हुन्छ’
प्रधानमन्त्री केपी शर्मा ओलीले अहिलेको सत्ता समीकरण र सरकारलाई कसैले हल्लाउन नसक्ने दावी गरेका छन् ।काठमाडौंको दरबारमार्गमा भएको एमालेको जनजागरण सभालाई सम्बोधन गर्दै एमाले अध्यक्ष समेत रहेका प्रधानमन्त्री ओलीले वर्तमान सरकार देश र जनताको पहरेदारको रुपमा रहेको दाबी गरे ।
ओलीले सरकार माघ–फागुनतिरै ढल्छ भन्ने भ्रम नपाल्न आग्रह गरे । ‘सरकार बन्दैन भन्थे बन्यो । विश्वासको मत पाउँदैन भन्थे पायो । दसैँ देख्दैन भन्थे दसैँ देखेन मात्रै मनायो पनि । अब अहिले माघ–फागुन भन्दै छन्,’ ओलीले भने, ‘कसैले भ्रम नराखे हुन्छ । यो सरकार ८४ को चुनावसम्म कायम रहन्छ ।’
‘एमालेलाई कसैले हल्लाउन सक्दैन । अहिलेको समीकरणलाई कसैले हल्लाउन सक्दैन । सरकारलाई कसैले हल्लाउन सक्दैन,’ प्रधानमन्त्री ओलीले भने, ‘यो सरकार कमिसन खोरीका लागि होइन । मेरिटोक्रेसीको नाममा आफ्ना कार्यकर्ता भर्नका लागि होइन । जनताको विकासको चाहना पूरा गर्ने र स्थायित्व दिने गरी बनेको हो ।’ उनले एमाले र नेपाली कांग्रेस प्रतिस्पर्धी पार्टी भएपनि अहिले मुलुकका लागि एक ठाँउमा उभिएको बताए ।
‘एमाले र कांग्रेस प्रतिस्पर्धी पार्टी हुन् । तर कांग्रेस र एमाले किन एक ठाउँमा छन् किन भने अहिले हामीबीचको प्रतिस्पर्धाभन्दा एकता चाहिन्छ । अराजकताको स्थिति ल्याउन खोजिएको छ । समाजलाई भाँड्न खोजिएको छ । त्यसैले हामी मिलेका छौ । नेपाली जनताले ल्याएको लोकतन्त्र र सार्वभौम जनताको हैसियतविरुद्ध षड्यन्त्र भइरहेको छ।’
