.gif)
 (1).png){kind=logo}
.png)
पोखरामा खुकुरी प्रहार गरी श्रीमतीको हत्या
पोखरा । पोखराका एक व्यक्तिले खुकुरी प्रहार गरी श्रीमतीको हत्या गरेका छन् । पोखरा–८ बगालेटोल बस्ने ४२ वर्षीय जहरसिंह कुँवरले बुधबार खुकुरी प्रहार गरी आफ्नै श्रीमतीको हत्या गरेका हुन् ।
अन्नपूर्ण गाउँपालिका–१ नौडाँडा घर भइ बगालेटोल बस्ने कुँवरले ४० वर्षीया श्रीमती राधिका कुँवरको घाँटी र पेटमा खुकुरी प्रहार गरी हत्या गरेका हुन् । मध्याह्न १२ बजेतिर राधिका चिच्याएको आवाज आएपछि घरबेटी गएर हेर्दा जहरसिंहले श्रीमतीलाई खुकुरी प्रहार गरिरहेको भेटेका थिए । घरबेटीले खबर गरेपछि तत्कालै वडा प्रहरी कार्यालय बैदामको टोलीले जहरसिंहलाई पक्राउ गरी राधिकालाई अस्पताल पुर्याएको थियो ।
पोखरा स्वास्थ्य विज्ञान प्रतिष्ठानमा उपचारको क्रममा चिकित्सकले १२ः४४ बजे मृत घोषणा गरेको कास्की प्रहरी प्रवक्ता डीएसपी बसन्तकुमार शर्माले बताए । सामान्य विवादमा जहरसिंहले श्रीमतीलाई खुकुरी प्रहार गरेको पाइएको प्रहरीले जनाएको छ । जहरसिंहलाई खुकुरीसहित नियन्त्रणमा लिएर थप अनुसन्धान कार्य भइरहेको प्रहरीले जनाएको छ । उनीहरुको एक छोरा छन् ।
