.gif)
 (1).png){kind=logo}
.png)
टीकापुर अस्पतालमा हेमोडायलाइसीस सेवा सुरू
टीकापुर : कैलालीको टीकापुरमा रहेको टीकापुर प्रादेशिक अस्पतालले होमोडायलाइसीस सेवा सुरु गरेको छ । मृगौला फेल भएका बिरामीका लागि सो सेवा सुरु भएको अस्पतालका मेसु डा. रेम कुमार राईले जानकारी दिए ।
अघिल्लो हप्ताबाट सुरु भएको डायलाइसिस सेवा संचालनका लागि छुट्टै कोठा तयार गरिएको छ । ५ वटा मेसिनबाट सुरु गरिएको सो सेवा लिनका लागि हालसम्म ३० जनाले नाम टिपाएको मेसु डा. राईले जानकारी दिए ।
अस्पतालका चिकित्सक डा. सन्देश पौडेल नेतृत्वको टिमले सो सेवा संचालनका लागि तालिम लिएर आएपछि अघिल्लो आइतबारबाट बिरामीलाई सेवा दिन थालिएको हो ।
हेमोडायलाइसिस सेवाका संचालनकोलागि अस्पतालका नर्सिङ्ग ईन्चार्ज रमिला विष्टको अगुवाईमा नर्सहरु जमुना चौधरी, निलम चौधरी, अनिता तिरूआ, रोसनी चौधरीले तालिम लिएर सेवा दिईरहेका छन् ।
महाकाली अस्पतालकी नर्स यसोधा गिरीको प्रविधीक सहयोत तथा अस्पतालका सहयोगी गणेश थापा र प्रकाश चौधरीले साथ दिईरहेका छन् ।
मृगौला फेल भएर प्रत्यारोपण हुन नसकेका बिरामीहरुलाई हप्ताको दुई पटक हेमोडायलाइसिस गर्नुपर्ने हुन्छ । टीकापुरमा सो सेवा सुरु भएसँगै आसपासका क्षेत्रका जनताले हेमोडायलाइसिसका लागि टाढा धाउनुपर्ने बाध्यता अन्त्य भएको डा. राईको भनाइ छ ।
