जनकपुरधाममा दिनदहाडै धारिलो हतियार प्रहार गरी युवकको हत्या

---

नयाँ पेज

१२:५४ बजे

जनकपुरधाम । जनकपुरधाममा दिनदहाडै धारिलो हतियार प्रहार गरी एक युवकको हत्या भएको छ । महोत्तरीको एकडारा गाउँपालिकाका २० वर्षीय प्रिन्स कुमार महासेठको हत्या भएको धनुषाका प्रहरी प्रवक्ता एवं प्रहरी नायब उपरीक्षक रञ्जन अवाले जानकारी दिए ।

जनकपुरधाम उपमहानगरपालिका विश्वकर्मा चोक नजिक डेरामा आज दिउँसो १२ बजेतिर शौचालयभित्र महासेठको हत्या भएको हो । हत्या आशंकामा प्रहरीले एक युवकलाई पक्राउ गरेको छ । पक्राउ पर्नेमा २४ वर्षीय अर्जुनकुमार साह रहेको प्रहरीले जनाएको छ ।