.gif)
.png)
भारतमा नेपाली महिलाकाे हत्या, सुटकेसमा भेटियो शव
काठमाडौं । भारतको जयपुरमा एक नेपाली महिलाको हत्या भएको छ । तीन नेपाली महिलाको शव एक सुटकेसमा फेला गरेको हो । प्रहरीले बिहीबार ३ सय फिट गहिरो खोँचमा महिलाको शव भेट्टाएको थियो । त्यसको एक दिनपछि ती महिला नेपालको भएको पुष्टि भएको हो ।
उनको पहिचान भने खुलाइएको छैन । चित्रकुट प्रहरीका एसएचओ बलबीर कासवानले ती नेपाली महिलाको एक बच्चा पनि रहेको पत्ता लागेको जानकारी दिए । ‘हामीले बिहीबार उनको शव फेला परेका थियौं । हामीले हत्यामा संलग्न दुई जनालाई पक्राउ गरेका छौं । शवलाई ल्याउन सहयोग गर्ने थप एक जनाको खोजी कार्य जारी रहेको छ,’ उनले भने ।
पक्राउ पर्नेमा ३५ वर्षीय स्वपन मण्डल र ३० वर्षीय सुमन विश्वास रहेका छन् । दुवै जना पश्चिम बङ्गालका हुन् । मण्डल हाल वैशाली नगरमा बस्दै आएको र वेश्यावृत्तिको सञ्जालमा संलग्न रहेको बताइएको छ । उनले विभिन्न स्थानबाट महिला ल्याएर होटलमा राख्ने गरेको प्रहरीको भनाई छ । घटनाबारे थप अनुसन्धान भइरहेको बताइएको छ ।
