.gif)
 (1).png){kind=logo}
.png)
अमेरिकामा आँधीबाट २३ जनाको मृत्यु
२०७९ चैत १२ आइतबार २०:३४ बजे
काठमाडौं । अमेरिकाको मिसिसिपी राज्यमा आँधीका कारण कम्तिमा २३ जनाको मृत्यु भएको छ । आँधीबाट दर्जनौ घाइते भएको र चार जना बेपत्ता भएको बताइएको छ ।
मिसिसिपी आपतकालीन व्यवस्थापन एजेन्सीले पश्चिमी मिसिसिपीको सिल्भर सिटीमा आँधी आएको बताएको छ । आँधी आएपछि खोज तथा उद्धार कार्य भइरहेको छ ।
आँधी प्रभावित क्षेत्रमा खोज तथा उद्धार कार्य जारी रहेकाले मृतकको संख्या बढ्न सक्ने अनुमान गरिएको छ । आँधीबेहरीले राज्यभरका समुदायलाई क्षति पुर्याएको छ । सयौँ भवन ध्वस्त भएका छन् भने गाडीलाई आँधीले उडाएर समुन्द्रमा पुर्याएको छ ।
प्रसारक एबीसीका अनुसार राज्यको राजधानी ज्याक्सनबाट करिब ११० किलोमिटर (७० माइल) उत्तरमा रहेको शार्की र हम्फ्रेस काउन्टीहरूमा खोजी र उद्धार कार्यहरू भइरहेको छ । अलजजिरा
