निःशुल्क आँखा शिविरमा ३५१ को उपचार

---

नयाँ पेज

२०७९ श्रावण १४ शनिबार १९:२२ बजे

सप्तरी । एक दिने निःशुल्क आँखा शिविरबाट ३५१ जनाको उपचार गरिएको छ । सप्तरीको छिन्नमस्ता गाउँपालिका-३ स्थित सखडामा सगरमाथा चौधरी आँखा अस्पताल लहानको प्राविधिक सहयोगमा धर्मीहल्फा महिला विकास क्लब सप्तरीद्वारा आँखा शिविर सञ्चालन गरिएको हो ।

उक्त शिविरमा ३५१ जना आँखाका रोगीले आँखा जाँच गराएको सो क्लबले जनाएको छ । तीमध्ये ११३ मा मोतियाबिन्दु फेला परेकाले उनीहरुलाई लहान अस्पतालमा निःशुल्क उपचारको लागि पठाउने धर्मीहल्फा महिला विकास क्लब सप्तरीका अध्यक्ष इन्जिनियर सूर्यनारायण यादवले बताए ।