.gif)
 (1).png){kind=logo}
.png)
म्याग्दीको मालिका अध्यक्षमा एमालेका गर्बुजा निर्वाचित
२०७९ जेठ १ आइतबार २०:०५ बजे
म्याग्दी । म्याग्दीको मालिका गाउँपालिकाको अध्यक्ष पदमा नेकपा (एमाले) का उम्मेदवार बेगप्रसाद गर्बुजा निर्वाचित भएका छन् । गर्बुजा तीन हजार ९१ मत ल्याएर निर्वाचित भएका हुन् ।
उपाध्यक्षमा पनि एमालेकै उम्मेदवार लक्ष्मीदेवी पुन तीन हजार १६७ मतसहित निर्वाचित भएकी छन् । निर्वाचन अधिकृतको कार्यालयका अनुसार अध्यक्षमा दोस्रो स्थानमा रहेका कांग्रेसका श्रीप्रसाद रोकाले दुई हजार ९७० मत ल्याएका छन् ।
नेकपा (माओवादी केन्द्र)का रेशमबहादुर जुग्जालीले दुई हजार २२५ मत पाएका छन् । उपाध्यक्षमा दोस्रो स्थानमा रहेकी कांग्रेसकी पिपला बुढाथोकीले तीन हजार १३९ मत ल्याएका उक्त कार्यालयले जनाएको छ ।
