वडा सदस्यमा विजयी मगरको मृत्यु जितको खबर सुन्न पनि पाएनन्

---

नयाँ पेज

२०७९ जेठ १ आइतबार ०७:५५ बजे

धनकुटा । धनकुटाको चौविसे गाउँपालिका-२ को वडा सदस्यमा पुनः विजयी बनेका ५२ वर्षीय अटलबहादुर सूर्जेमगरको मृत्यु भएको छ । उनी आफू विजय भएको खबर पनि सुन्न नपाई बेहोस भएका थिए ।

मधुमेह र उच्च रक्तचापका बिरामी मगरको गए राति मृत्यु भएको जनाइएको छ । अघिल्लो निर्वाचनमा पनि वडा सदस्य निर्वाचित भएका उनले यस पटक पनि नेकपा एमालेबाट ७९२ मतसहित जित दर्ता गरेका थिए । तर, जितको खबर भने सुन्नै नपाई उनको निधन भएको हो । मगरका दुई छोरा र पत्नी छन् ।