भारतीय जङ्गलमा नेपाली महिलाको शव फेला

---

नयाँ पेज

०२:३३ बजे

कञ्चनपुर, १८ कार्तिक । कञ्चनपुरको पुनर्बास नगरपालिका नजीक भारतको दूधुवा नेशनल पार्कको रानीवनमा एक नेपाली महिलाको शव फेला परेको छ । मृतकसँग भेटिएको कागजातका आधारमा उनी ५५ वर्षीया नुरदेवी कठायत हुन् ।

‘महिलाको परिवारसँग सम्पर्क हुन सकेको छैन’, इलाका प्रहरी कार्यालय त्रिभुवनबस्तीका प्रमुख प्रहरी निरीक्षक कैलाश विष्टले भने, ‘शवसंँगै भारतीय प्रहरीले भेटेको कागजातअनुसार मृतक साविक गाविस–३ की महिला हुन् ।’ शव भारतको पलियामा राखिएको र सोबारे भारतीय प्रहरीसँग थप समन्वय भइरहेको प्रहरीले जनाएको छ ।