.gif)
.png)
नेकपा दुर्घटना नजिक देखियो : योगेश भट्टराई
काठमाडौं, १३ साउन । सत्तारुढ दल नेपाल कम्युनिष्ट पार्टी (नेकपा) भित्रको विवादले पार्टी विभाजनतिर गईरहेको अनुमान भइरहेका बेला स्वयम् नेकपाका नेता तथा पर्यटनमन्त्री योगेश भट्टराईले पार्टी दुर्घटना नजिक पुगेको बताएका छन् ।
पार्टी अध्यक्ष केपी शर्मा ओलीले स्थायी कमिटी बैठक स्थगित गरेको सूचना जारी गरेको अवस्थामा इतर समूहले बैठकलाई निरन्तरता दिएपछि भट्टराईले यस्तो बताएका हुन् ।
नेकपाका दुई अध्यक्षबीचको विवाद समाधान गर्न मध्यस्थताको भूमिका निर्वाह गर्दै आएका नेता योगेश भट्टराईले ट्वीटरमार्फत भनेका छन्, ‘दुर्घटना नजिक देखिन्छ । सबै रोकिऔं । सल्लाह गरौं ।’
नेकपाभित्र विवाद उत्कर्षमा पुगिरहेका बेला ओली इतर समूहले स्थायी कमिटी वैठकलाई बैठकलाई निरन्तरता दिएको छ । बिहान प्रधानमन्त्री ओलीले एकल निर्णय गर्दै बैठक स्थगित गरेको बताए पनि अहिले इतर समूहले बैठकलाई निरन्तरता दिएको हो ।
अहिले भर्खरै नेकपाका अर्का अध्यक्ष पुष्पकमल दाहाल ‘प्रचण्ड’ को अध्यक्षतामा नेकपा स्थायी कमिटी वैठक शुरु भएको छ । वैठकमा अर्का अध्यक्ष केपी शर्मा ओली भने अनुपस्थित भएका छन् । यसअघि प्रचण्ड–माधव नेपाल र झलनाथ खनाल समूहले अध्यक्ष ओलीबारे वहुमत प्रक्रियाबाट निर्णय लिइने बताइसकेका छन् ।
उनीहरुले प्रधानमन्त्री तथा नेकपा अध्यक्ष केपी ओलीले दुईमध्ये एक पदबाट राजीनामा दिनुपर्ने माग राख्दै आएका छन् । यता ओलीले भने दुवै पदबाट राजीनामा नदिने स्पष्ट पारिसकेका छन् ।
