वेब सिरिज ‘बाजी’ को ट्रेलर सार्वजनिक (भिडियोसहित)

---

नयाँ पेज

२०७६ बैशाख २९ आइतबार १७:०४ बजे

काठमाडौं, २९ बैशाख । नितिन चन्द निर्देशित वेब सिरिज ‘बाजी’ को ट्रेलर सार्वजनिक भएको छ । यसअघि चलचित्र ‘जोनी जेन्टलमेन’, म्यूजिक भिडियोहरु तथा ‘हाम्रो हाईस्कूल’ र ‘रङ्ग टाईम’ जस्ता वेब सिरिज निर्देशन गरेका नितिनको यस सिरिजको टे«लर सार्वजनिक गरिएको छ ।

रोमान्टिक थ्रिलर जनरामा बनेको दुई साथीबीच भएको सामान्य चुनौतीले कसरी जीन्दगी नै बाजीमा पर्छ भन्ने मुख्य बिषय उठान गरिएको छ । ‘बाजी’ प्रेम, द्वन्द्व तथा बदलाको कथामा बनेको निर्देशक चन्दले बताएका छन् । वियोन्ड र निर्जला खनालको प्रमुख अभिनय रहेको ‘बाजी’ जेठ २ गतेदेखि प्रत्येक बिहीवार योर स्टाइलको यूट्युब च्यानलमार्फत प्रसारण हुने बताइएको छ ।

योर स्टाइल र सिनेमा घर एपको सहकार्यमा बनेको यो सिरिज आठ श्रृंखलासम्म प्रसारण हुनेछ । योर स्टाइल र सिनेमा घरले आगामी दिनमा पनि यसैगरी सहकार्य गरेर वेब सिरिज बनाउने सिनेमाघर एपका कार्यकारी सागर खरेलले बताए ।
हेर्नुस् भिडियो