काठमाडौं उपत्यकामा आज बिजोर नम्बरका गाडी मात्र चल्न पाउने

---

नयाँ पेज

२०७५ मङ्सिर १३ बिहीबार ०९:५९ बजे

काठमाडौं, १३ मंसिर । काठमाडौं उत्यकामा सवारी आवागमनलाई व्यवस्थित बनाउन आज (बिहीबारदेखि आइतबार) सम्म जोर–बिजोर प्रणाली लागू गरिने भएको छ ।

शुक्रबारदेखि सोमबारसम्म काठमाडौंमा हुन गइरहेको एसिया प्यासिफिक सम्मेलनमा आउने पाहुना तथा विशिष्ट व्यक्तिहरुको सवारी आवागमनलाई व्यवस्थित बनाउन यस्तो व्यवस्था मिलाइएको महानगरीय ट्राफिक प्रहरी महाशाखा काठमाडौंले जानकारी दिएको छ ।

बिहीबार र शनिबारका दिन बिजोर सवारी र शुक्रबार तथा आइतबार जोर नम्बर प्लेट भएका सवारी साधन सञ्चालन गर्न पाइने महाशाखाले सूचना जारी गरेर जानकारी दिएको हो । सवारी साधनको अन्तिम अंकको आधारमा जोर बिजोर प्रणाली लागू गरिएको छ ।

अत्यावश्यक सेवा र शैक्षिक संस्थाका सवारी साधनमा भने जोर बिजोर प्रणाली अनिवार्य नगरिने महाशाखाले जारी गरेको सूचनामा उल्लेख छ ।