.gif)
.png)
आग्लोले हानेर श्रीमतीको हत्या
२०७५ मङ्सिर ११ मंगलबार १४:२० बजे
दोलखा, ११ मंसिर । जिरी नगरपालिका–९ ठूलोपातल सल्लेका ३५ वर्षीय तस्वीर तामाङले ३७ वर्षीया श्रीमती राममायालाई आग्लो प्रहार गरी हत्या गरेका छन् ।
ठूलोपातलकै खोलाखर्क घुँडेस्थित माइतमा भाइको विवाहमा पुगेकी राममायालाई सोमबार साँझ श्रीमानले टाउको र अनुहारमा आग्लो प्रहार गर्दा उनको घटनास्थलमै मृत्यु भएको प्रहरी निरीक्षक माधवप्रसाद काफ्लेले जानकारी दिए । हत्या गरेलगत्तै तामाङ फरार छन् ।
उनको खोजी भइरहेको प्रहरी निरीक्षक काफ्लेले बताएका छन् । मृतक राममायको शव जिरी अस्पतालमा राखिएको छ ।
