.gif)
 (1).png){kind=logo}
.png)
सोलुखुम्बुको फेरिचेमा दुई हेलिकोप्टर ठोक्किए, एक विदेशीको मृत्यु
२०८३ कार्तिक १७ मंगलबार ०९:०७ बजे
काठमाडौं : सोलुखुम्बुको फेरिचेमा दुईवटा हेलिकोप्टर ठोक्किँदा एक विदेशी नागरिकको मृत्यु भएको छ भने अर्का एक जना घाइते भएका छन् ।
दुर्घटनामा एक विदेशी नागरिकको मृत्यु भएको र एक जना घाइते भएको जिल्ला प्रहरी कार्यालय सोलुखुम्बुका प्रहरी निरीक्षक मौसम तामाङले जानकारी दिएका छन् ।
नेपाल नागरिक उड्डयन प्राधिकरणका अनुसार फिस्टेल र डायनेस्टी एयरका हेलिकोप्टर फेरिचे हेलिप्याडमा अवतरण गर्ने क्रममा ठोक्किएका हुन् ।
प्राधिकरणका सूचना अधिकारी ज्ञानेन्द्र भुलले अवतरणका क्रममा दुई हेलिकोप्टरका पंखा आपसमा ठोक्किएको जानकारी आएको बताए ।
घटनाबारे थप विवरण संकलन भइरहेको उनले जानकारी दिए ।
