.gif)
 (1).png){kind=logo}
.png)
‘हामी नेपाल’सँग सम्बन्ध छैन : सन्दुक रुइत
काठमाडौँ : बारबरा फाउन्डेसनका अध्यक्ष डा. सन्दुक रुइतले ‘हामी नेपाल’सँग नाम जोडेर भ्रामक र अनर्गल प्रचार भएको भन्दै आपत्ति जनाएका छन् ।
बारबरा फाउन्डेसनले आइतबार काठमाडौंमा पत्रकार सम्मेलन गर्दै जेनजी आन्दोलनका विषयमा 'हामी नेपाल' नामक संस्थासँगको सम्बन्धबारे अनर्गल प्रचार भएको भन्दै आपत्ति जनाएको हो ।
फाउण्डेशनका अध्यक्ष रुइतका अनुसार कोभिड महामारीको बेलामा सहकार्य गरिएको तर हाल सो संस्था वा संस्थाका पदाधिकारीसँग कुनै पनि आर्थिक सम्बन्बन्ध छैन ।
साथै, नागरिकलाई मूल मुद्दाबाट भड्काउने मनशायले फाउण्डेशनको चरित्र हत्या नगर्न फाउन्डेसनका अध्यक्ष रुइतले आग्रह गरे । गत एक वर्षदेखि ‘हामी नेपाल’ नामक संस्थासँग कुनै पनि कार्यक्रममा सहकार्य नरहेको अध्यक्ष रुइतले स्पष्ट पारे ।
पत्रकार सम्मेलनमा आन्दोलनका लागि हामी नेपाल नामक संस्थालाई आर्थिक सहयोग गरिएको भन्ने विषयमा कुनै सत्यता नरहेको उनको भनाइ छ ।
साथै, फाउण्डेशनले वित्तीय विवरण पनि सार्वजनिक गर्दै विगत ८ वर्षमा ७ करोड ८२ लाख प्राप्त गरेकोमा करिब ३ करोड ९५ लाख बैंकमा मौज्दात रहेको जनाएको छ ।
