देउवाले गरे प्रधानमन्त्री ओलीसँग एक घण्टा छलफल

---

नयाँ पेज

२०८२ असार ९ सोमबार ०४:४१ बजे

काठमाडौं । सत्ता साझेदार नेपाली कांग्रेसका सभापति शेरबहादुर देउवाले प्रधामनन्त्री केपी शर्मा ओलीसँग आज (सोमबार) साँझ एक घण्टा लामो छलफल गरेका छन्। उपसभापति पूर्णबहादुर खड्का, परराष्ट्रमन्त्री डा. आरजु राणा देउवा, गृहमन्त्री रमेश लेखकलाई लिएर देउवा बालुवाटार पुगेका थिए। 

‘उहाँहरूबीच एक घण्टा छलफल भयो,’ स्रोतले सुनायो, ‘क्याबिनेट बैठक अघि भेटघाट भएकाले केही विषयमा समझदारी जुटेको हुनुपर्छ।’ बालुवाटार र देउवा निकट स्रोतका अनुसार बजेट पारित गर्ने, टेक एण्ड पे फिर्ता लिने र भिजिट भिसा प्रकरणमा छानबिन समिति बनाउने लगायत विषयमा छलफल भएर समझदारी पनि जुटेको छ। जसलाई अहिले केहीबेरपछि बस्ने मन्त्रिपरिषद् बैठकले निर्णय गर्ने सम्भावना छ।