रास्वपाका कोशी प्रदेश सभापति तिम्सिनासहित दुई नेताको सदस्यता खारेज

---

नयाँ पेज

१७:०७ बजे

काठमाडौं । राष्ट्रिय स्वतन्त्र पार्टी (रास्वपा) ले कोशी प्रदेश सभापतिसहित दुई नेताको सदस्यता खारेज गरेको छ।रास्वपाको सोमबार बसेको सचिवालय बैठकले कोशी प्रदेशका निवर्तमान सभापति राजेश तिम्सिना र प्रवक्ता कमलबाबु मैनालीको पार्टी सदस्यता खारेज गरी केन्द्रीय समितिमा अनुमोदनका लागि पेस गर्ने निर्णय गरेको हो ।

पार्टीको अनुशासन आयोगको प्रतिवेदन सहितको सिफारिसका आधारमा तिम्सिना र मैनालीको सदस्यता खारेज गरी अनुमोदनका लागि केन्द्रीय समितिमा लैजाने निर्णय गरेको कार्यवाहक प्रवक्ता मनीष झाले जानकारी दिए । तिम्सिनालाई केही समयअघि पार्टी अनुशासन आयोगले निलम्बन गरेको थियो । उनी अहिले पितृशोकमा रहेको रास्वपाका नेताहरूले बताएका छन् ।