.gif)
 (1).png){kind=logo}
.png)
छोराको मृत्यु, आमा गम्भीर
सप्तरी । सप्तरीको राजविराजमा विष सेवनबाट छोराको मृत्यु भएको छ भने आमा गम्भीर बनेकी छन् । सप्तरीको राजविराज नगरपालिका–१ चनौरामा एक आमाले छोरालाई विष खुवाएर आफूले समेत विष सेवन गरेकी हुन् । विष सेवनपछि चार वर्षीय छोराको मृत्यु भएको छ भने आमा गम्भीर बिरामी भएकी छन् ।
घरायसी विवाद हुँदा २५ वर्षीया काजलदेवी साफीले आइतबार साँझ आफ्ना छोरा सौरभकुमार साफीलाई विष खुवाएकी थिइन् । विष खुवाउँदा सिकिस्त भएका सौरभलाई उपचारका लागि गजेन्द्रनारायण सिंह अस्पताल राजविराज ल्याइएको थियो । थप उपचारका लागि बीपी कोइराला स्वास्थ्य विज्ञान प्रतिष्ठान धरान पठाउँदा त्यहाँ पनि उपचार सम्भव हुन सकेन । त्यहाँबाट उनलाई नोबेल अस्पताल विराटनगर रिफर गरिएको थियो ।
उनको उपचारका क्रममा सोमबार बिहान मृत्यु भएको प्रहरी उपरीक्षक ढकेन्द्र खतिवडाले जानकारी दिए । विष सेवन गरेकी काजलको नोबेल अस्पतालमै उपचार भइरहेको छ भने उनको पनि अवस्था गम्भीर रहेको उनले बताए । घटनाबारे थप अनुसन्धान भइरहेको प्रहरीले जनाएको छ ।
