.gif)
 (1).png){kind=logo}
.png)
सरकार सेखी झार्न रविलाई लखेटिरहेको छ : स्वर्णिम वाग्ले
०५:२४ बजे
काठमाडौं । राष्ट्रिय स्वतन्त्र पार्टी (रास्वपा) का उपसभापति डा. स्वर्णिम वाग्लेले ०८४ मा जनताले पुराना पार्टी तथा नेताहरूलाई ठूलै सजाय दिने बताएका छन् । आज (शनिबार) चितवनमा पार्टीले आयोजना गरेको जनसभालाई सम्बोधन गर्दै यस्तो बताएका हुन् ।
‘५४ हजार मतका साथ रविजीले जित्नु भएको छ । सरकारले उहाँलाई लखेटेको छ । विगत सात-आठ महिनायता उहाँसँग पुराना दल र नेताहरू डराएका छन्, सरकार डराएको छ । मलाई लाग्छ– ०८४ मा नेपाली जनताले उनीहरूलाई ठूलै सजाय दिनेछ,’ उनले भने ।
उनले राम्रो काम गर्नेहरूलाई टिक्नै नदिने प्रवृत्ति बढ्दै गएको पनि बताए। ‘सरकारले छानी छानी लखेटिरहेको छ । सरकार राम्रो काम गर्नेलाई गलाउनका लागि लखेटिरहेको छ । जीबी राई ८ महिना भयो, नामै लिएको छैन । तर, राम्रो काम गर्नेलाई छानी छानी सिद्ध्याउने क्रम चलिरहेको छ,’ उनले भने ।
