.gif)
 (1).png){kind=logo}
.png)
‘भाटभटेनीको लुटपाटमा संग्लन थिएनन् डा. राजकुमार राई’
काठमाडौं : भाटभटेनी सुपरस्टोर्सको लुटपाटको आरोप लागेको डा.राजकुमार राई लुटपाट संग्लन नरहेको प्रहरीले स्रोतले जनाएको छ । चैत १५ गते तीनकुने र कोटेश्वरमा दुर्गा प्रसाई नेतृत्वमा भएको राजावादीहरुको प्रदर्शनको क्रममा पक्राउ परेका डा.राई भाटभटेनी सुपरस्टोर्सको लुटपाटमा संग्लन रहेको भन्दै यतिबेला चर्चा भइरहेको छ ।
प्रहरीले सार्वजनिक गरेको ४१ आन्दोलनकारीको सूचीमा ६३ वर्षिय राईको नाम १७ नम्बरमा छ । उनी १५ चैतमा भएको राजावादीहरुको आन्दोलनमा संग्लन थिए । उनले चैत १५ गते कोटेश्वरको भाटभटेनीबाट महंगा ब्रान्डका ब्यू लेबल जस्ता ह्वीस्की चोर्दै गरेको सीसीटीभी फुटेजका आधारमा उनलाई जिल्ला प्रहरी परिसर काठमाडौंले पक्राउ गरेको समाचार प्रकाशित भएको थियो ।
प्रहरी र भाटभटेनी स्रोतका अनुसार भाटभटेनी सुपरस्टोर्सको सीसीटीभी फुटेजमा उनी देखिएका छैनन् । उक्त दिन भाटभटेनीमा ब्यू लेबलका रक्सीहरु पनि स्टक बाहिर थियो । ‘दुई जनाको ज्यान जाने गरी आन्दोलनकारीलाई उक्साउनेमा उनी पनि थिए,’ प्रहरीले स्रोतले भन्यो, ‘तर भाटभटेनी सुपरस्टोर्सको लुटपाटमा उनको संग्लनता अहिलेसम्म भेटिएको छैन ।’ डा.राईले आन्दोलनमा सहभागी बन्न र आन्दोलनकारीलाई उत्तेजित पार्ने काम भने गरेको प्रहरी स्रोतको भनाई छ ।
भाटभटेनी सुपरस्टोर्स स्रोतका अनुसार पनि भाटभटेनीको सीसीटीभी फुटेजमा उनी देखिएका छैनन् । भाटभटेनी सुपरस्टोर्स स्रोतले भन्छ, ‘लुटपाटमा उहाँको संग्लनता देखिएको छैन ।’
रावाबेसी गाउँपालिका– १ कुभिण्डे निवासी राईले अमेरिकाबाट पीएचडी गरेका हुन् । अमेरिकाबाट पीएचडी सकेपछि २०५२ साल उता उनी नेपाली कांग्रेसमा क्रियाशिल भएका थिए । डा.राईका अधिकांस परिवारका सदस्य अहिले अमेरिकामा नै बसोबास गर्छन् ।
पछिल्लो समयमा राष्ट्रिय स्वतन्त्र पार्टीमा लागेका राई जिल्ला सभापति नभएपछि रास्वपामा सक्रिय थिएनन् । गत पुस १३ गते भएको खोटाङ रास्वपाको अधिवेशनमा उनी अध्यक्षमा लडेर पराजित भएका थिए । केन्द्रीय सदस्य तथा सांसद तोसिमा कार्कीको उपस्थितिमा दिक्तेलमा भएको सो भेलाबाट मुकुन्दकृष्ण थापा रास्वपाको जिल्ला अध्यक्षमा निर्वाचित भएका छन् । थापाले ३० मत ल्याउँदा राईलाई ६ मत मात्रै आएको थियो ।
