दलहरूमा समस्या भयो राजतन्त्र फर्काउनु पर्छ भन्ने तर्क हाँस्यास्पद : डा. भट्टराई

---

नयाँ पेज

०३:१२ बजे

काठमाडौं । नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले दलमा समस्या हुँदा राजतन्त्र फर्काउनु पर्छ भनेर गरिएको व्याख्यालाई कुर्तकको संज्ञा दिएका छन् । आज (शनिबार) सामाजिक सञ्जाल एक्समा ‘राजतन्त्र र लोकतान्त्रिक गणतन्त्र’ पुस्तकको एक अंशबारे चर्चा गर्दै उनले यस्तो उल्लेख गरेका हुन् ।  

उनले भनेका छन्, ‘नेपालमा अहिले दलहरूको नेतृत्वमा नै राजा–रजौटा प्रवृत्ति हावी भएकाले बरु पुरानै मृत राजतन्त्रलाई किन नब्युँताउने? भन्ने हास्यास्पद कुतर्क केही वृत्तमा चल्न थालेको छ ।’ यस्तै कुराको खण्डन गर्दै मैले २०६१ माघ ६ गते ९ तत्कालीन राजा ज्ञानेन्द्रले प्रम देउवालाई बर्खास्त गरेर सम्पूर्ण सत्ता हातमा लिएको माघ १९ गते भन्दा १३ दिन अगाडि एक लेखमार्फत गरेको कुरा पनि उनले स्मरण गराएका छन् ।  

उनले अगाडि लेखेका छन्, ‘त्यसैलाई बहाना बनाएर प्रचण्डले हामीलाई तत्कालै माघ १६ गते पार्टीभित्र कारबाही गरेका थिए । जुन अब इतिहास भइसकेको छ ।’ नयाँ पुस्ताले यो इतिहास ख्याल गर्नुपर्ने उनको भनाइ छ ।