.gif)
 (1).png){kind=logo}
.png)
तीनकुने घटनाको निष्पक्ष छानविन हुन्छ : प्रधानमन्त्री
काठमाडौं । प्रधानमन्त्री केपी शर्मा ओलीले तीनकुने घटनाको निष्पक्ष छानबिन हुने बताएका छन् । आज थाइल्याण्डको भ्रमण सकेर स्वदेश फर्किएका प्रधानमन्त्री ओलीले विमानस्थलमा आयोजित पत्रकार सम्मेलनमा बोल्दै न्यायिक छानबिनको माग उठेकोमा पनि जवाफ दिँदै न्यायिक छानबिन नहुन पनि सक्ने र छानबिन निष्पक्ष हुने बताएका हुन् ।
उनले भने, ‘छानबिन हुँदैछ । न्यायिक छानबिन हुन पनि सक्छ, नहुन पनि सक्छ । तर, छानबिन निष्पक्ष हुन्छ । सबै कुरामा न्यायिक छानबिन आवश्यक पनि हुँदैन ।’ यस्तै उनले शिक्षकहरूको आन्दोलनलाई सकारात्मक रूपमा लिएको बताएका छन् । उनले सबै कुरामा न्यायिक छानबिन जरुरी नरहेको बताए ।
चैत १५ गते काठमाडौँको तीनकुनेमा राजावादीले हिंस्रक प्रदर्शन गरेका थिए । प्रदर्शनमा दुई जनाको ज्यान गएको थियो भने केही घाइते भए । घाइतेमध्ये केहीको उपचार जारी छ भने सरकारी र निजी सम्पत्तिमा आगजनी र तोडफोड पनि भएको थियो । प्रदर्शनमा उपस्थिति जनाएको राप्रपासहितले न्यायीक छानबिन समिति गठनको माग गरिरहेका छन् भने सत्तागठबन्धन दलका नेताहरू भने समिति नबनाउने पक्षमा छन् ।
उनले भने, ‘शिक्षकहरूलाई म धन्यवाद भन्न चाहन्छु किनभने सरकारमाथि विश्वास गरेर उहाँहरू यो प्रदर्शनमा आउनु भएको छ । नत्र पहिले प्रदर्शन गर्नु हुन्न थियो । किनभने प्रदर्शन गर्यो गर्यो कानमा बतास लाग्दैन भन्ने किन प्रदर्शन गर्ने रु यसपटक आवाज उठाएपछि सरकारले सुन्छ भन्ने विश्वास भएर आउनुभएको हो ।’
