.gif)
 (1).png){kind=logo}
.png)
एकीकृत समाजवादीको कार्यालय तोडफोड, सामान निकालेर जलाइयो
काठमाडौं । राजावादी प्रदर्शनकारीहरूले नेकपा एकीकृत समाजवादीको पार्टी कार्यालयमा तोडफोड गरेका छन्। कार्यालयबाट सामान निकालेर आगो समेत लगाएका छन् । तीनकुनेमा तोडफोड र आगजनी गरेका प्रदर्शनकारीले आलोकनगरस्थित नेकपा एसको कार्यालय तोडफोड गरेका हुन् ।
पार्टीका नेताहरू समाजवादी मोर्चाको प्रदर्शनका लागि भृकुटीमण्डपमा रहेका बेला तोडफोड भएको हो । अहिले प्रदर्शनकारीले समाजवादीको कार्यालयमा ढुंगा हानिरहेका छन् । त्यसअघि कोटेश्वरमा नेपाल प्रहरीको गाडीमा पनि आगजानी भएको थियो ।
तीनकुनेमा प्रदर्शनमा उत्रिएका राजावादी प्रदर्शनकारीको भीडले कोटेश्वरमा पुगेर नेपाल प्रहरीको लागु औषध नियन्त्रण ब्युरोको गाडीमा आगजनी गरेका थिए । यस प्रदर्शनका कमाण्डर दुर्गा प्रसाईं छन् । राजावादीहरूले तीनकुने क्षेत्रका घरमा तोडफोड गर्नुका साथै आगो पनि लगाइदिएका थिए । प्रहरी बिटलगायत धेरै सार्वजनिक संरचना समेत तोडफोड गरेका छन् ।
