.gif)
 (1).png){kind=logo}
.png)
कुम्भमेला जाँदै गरेका मालिकार्जुन गाउँपालिकाका कर्मचारी अवस्थीको दुर्घटनामा मृत्यु
२०८१ माघ २८ सोमबार ११:२९ बजे
दार्चुला । कुम्भ मेला जाँदै गरेका मालिकार्जुन गाँउपालिकामा कार्यरत एक कर्मचारीको भारतमा गाडीको ठक्करबाट मृत्यु भएको छ । मालिकार्जुन गाउपालिका–५ डाडाकोट निवासी गाँउपालिकाको उद्यम विकास शाखा प्रमुख जगदीश अवस्थीको आइतबार मृत्यु भएको मालिकार्जुन गाँउपालिकाले जनाएको छ ।
मालिकार्जुन गाँउपालिकाका प्रमुख प्रशासकीय अधिकृत नरबहादुर ठगुन्नाका अनुसार भारतको प्रयागराजमा लागेको कुम्भमेलामा सहभागी हुन जाँदै गरेका अवस्थीको लखनऊमा गाडीले ठक्कर दिएर मृत्यु भएको हो ।
आफू सवार गाडीबाट झरेको बेला सडकमा अर्को गाडीले ठक्कर दिएपछि गम्भीर घाइते भइ अस्पताल लगेका अवस्थीलाई डाक्टरले मृत घोषणा गरेको पारिवारिक स्रोतले बताएको छ । गाउँपालिकाको उद्यम विकास शाखा प्रमुख अवस्थीको मृत्यु भएपछि सोमबार गाँउपालिकामा शोक बिदा दिइएको प्रमुख प्रशासकीय अधिकृत ठगुन्नाले जानकारी दिए ।
