आज पनि कांग्रेस संसदीय दलको बैठक : सांसदका प्रश्नको नेता र मन्त्रीले जवाफ दिंदै

---

नयाँ पेज

२०८१ माघ १४ सोमबार २२:५६ बजे

काठमाडौं । सत्ता साझेदार नेपाली कांग्रेसको संसदीय दलको बैठक आज (सोमबार) पनि बस्दैछ । आइतबार दिउँसोबाट सुरु भएको बैठक आज पनि संसदीय दलको कार्यालय सिंहदरबारमा बस्न लागेको हो। बैठकमा संघीय संसदको हिउँदे अधिवेशनको तयारीका लागि छलफल हुनेछ ।

यसअघि केपी शर्मा ओली नेतृत्वको सरकारले जारी गरेको अध्यादेशका बारेमा एकजुट र एकीकृत धारणा बनाएर प्रतिरक्षा गर्ने निर्णय गरेको कांग्रेसले संसदमा पेस भएका विधेयक तीव्रताका साथ पारित गर्ने लगायतका विषयमा छलफल गरिरहेको छ । बैठकमा सांसदहरूले बोल्ने क्रम शुरु हुनेछ । सांसदहरुले उठाएका प्रश्नहरुको मन्त्री र नेताहरूले जवाफ दिनेछन् । आगामी माघ १८ गतेदेखि संघीय संसद्को अधिवेशन सुरु हुँदैछ ।